As Cortes Xerais representan ao pobo español, exercen a potestade lexislativa do Estado, aproban os seus orzamentos e controlan a acción do goberno.
Están compostas polo Congreso dos Deputados e o Senado.
O Senado é a cámara de representación territorial.
Cantos senadores ou senadoras hai en España?
O número de senadores ou senadoras non é fixo.
Na próxima lexislatura será de 266.
Como se elixen os senadores ou senadoras?
208 senadores son elixidos por sufraxio universal.
Vótase á persoa, ao candidato/a, de entre os que figuren na papeleta única do Senado.
Os candidatos/as elixidos polo elector non teñen necesariamente que pertencer ao mesmo partido.
Os electores e electoras poden dar o seu voto:
A un máximo de 3 candidatos/as nas circunscricións provinciais.
A un máximo de 2 en Gran Canaria, Mallorca, Tenerife, Ceuta e Melilla.
A un máximo de 1 candidato/a nas restantes circunscricións insulares.
Obterán escano os candidatos/as que atinxan o maior número de votos na súa circunscrición.
Os outros 58 Senadores/as son elixidos polas asembleas lexislativas das comunidades autónomas: un por comunidade e outro máis por cada millón de habitantes do seu respectivo territorio.
