O servizo postal nas Eleccións

O servizo postal nas eleccións

Para o correcto desenvolvemento do proceso electoral tamén é fundamental a participación dun operador postal.

A Sociedade Estatal Correos e Telégrafos, Sociedade Anónima, ten a condición de operador designado polo Estado para a prestación do servizo postal universal e o Goberno pódelle impoñer unhas obrigacións de servizo público, cando sexa necesario para salvagardar o normal desenvolvemento dos procesos electorais (artigo 22.5 da Lei 43/2010).

Esta imposición realízase nos últimos procesos mediante acordo do Consello de Ministros.

As obrigacións que se impoñen nestes acordos son aquelas actuacións que han de levarse a cabo unha vez convocado o proceso e que resultan especialmente transcendentais para o seu desenvolvemento, pala urxencia e

características dos envíos e pala relevancia que implica a custodia da documentación electoral.

Estas obrigacións e actuacións refírense a:

• O voto por correo de electores residentes en España, dos resident1es ausentes e os temporalmente ausentes.

• O voto do persoal embarcado, do persoal das Forzas Armadas embarcado ou en situacións excepcionais vinculadas á defensa nacional.

• O voto dos internos en centros penais.

• Os envíos realizados pala Oficina do Censo Electoral.

• Os envíos de propaganda electoral que realizan os partidos políticos.

• A recollida da documentación electoral nas mesas electorais.

A imposición destas obrigacións debe ser obxecto de compensación; é dicir, aqueles intervenientes no proceso electoral que utilicen os servizos postais non deben asumir directamente ningún custo. O que non quere dicir que non teñan custo, xa que é o orzamento electoral o que o asume.