Elecciones 2019

Son as persoas que teñen a representación da candidatura nos actos e operacións electorais; poden acceder libremente a tódolos locais electorais, examinar o desenvolvemento da votación e do escrutinio en calquera Mesa, formular reclamacións e protestas e pedir certificacións.

Se non hai interventores ou interventoras da súa candidatura, poden actuar como tales ante a Mesa, participando nas súas deliberacións con voz e sen voto.

Deben identificarse ante a Mesa exhibindo as súas credenciais e o seu Documento Nacional de Identidade.

Non votan na Mesa se non figuran no seu censo.

Cada candidatura pode nomear dúas por cada Mesa. Desempeñan a súa función só na Mesa designada para exercer a súa acreditación.

Poden asistir á Mesa e participar nas súas deliberacións con voz pero sen voto. Para estes efectos, os/as que actúen en nome dunha mesma candidatura ante a mesma Mesa poden substituírse entre si.

Poden formular reclamacións e protestas e pedir certificacións.

Votan na Mesa ante a que exercen a súa acreditación, aínda que non figuren no seu censo electoral, sempre que a dita Mesa se atope na mesma circunscrición electoral que a Mesa na que lles correspondería votar de acordo coa súa inscrición no censo.

En caso contrario, non poden votar na Mesa na que exercen as súas funcións, senón que sexa mediante o voto por correo dirixido á Mesa que corresponde á súa inscrición no censo. Poden exercer o seu dereito ao voto unha soa vez; constitúe delito electoral votar dous ou máis veces na mesma elección.